ફરવા નીકળેલો પરિવાર પળભરમાં સાફ થઈ ગયો, 4 વર્ષનો માસૂમ બન્યો નોધારો, કરૂણ બનાવ

એક ક્ષણમાં રાજસ્થાનના શ્રીગંગાનગરમાં રુપરામ સહારનનાં પરિવાર ભાંગી પડ્યો. જેસલમેરના તનોટ રોડ પર માર્ગ અકસ્માતમાં પરિવારના ચાર સભ્યોના મોત થયા હતા. આ અકસ્માતમાં માર્યા ગયેલા વિશાલ અને વર્ષિકા તેમના માતાપિતાના એકમાત્ર સંતાન હતા. તે પરિવારમાં હવે રુપરામ અને તેમની પત્ની તથા એક ચાર વર્ષનું બાળક જ બચ્યું છે. જીવ ગુમાવનાર અંજુની તાજેતરમાં થર્ડ ગ્રેડની શિક્ષક ભરતી પરીક્ષામાં પસંદગી કરવામાં આવી હતી. તે જોડાવાની રાહ જોઈ રહી હતી.

વર્ષિકાના 6 મહિના પહેલાં લગ્ન થયા હતા
દૂર્ઘટનામાં મૃત્યુ પામેલ વિશાલની બહેનના લગ્ન 6 મહિના પહેલાં એપ્રિલમાં થયા હતાં. લગ્ન બાદ પિતા રૂપરામ પોતાના દીકરા-દીકરી બંનેના લગ્ન કરાવીને ચિંતામુક્ત થઈ ગયા હતાં. રુપરામને તો હજી ખ્યાલ પણ નથી કે તેમના દીકરા વિશાલ, દીકરી વર્ષિકા અને વહૂ રિંકુનું મોત થયું છે. તેમને હજી સુધી માત્ર તેમના ઈજાગ્રસ્ત થવાના સમાચાર જ આપવામાં આવ્યા છે.

રજાઓમાં ફરવા નિકળ્યા હતા
વિશાલ પીલીભાંગામાં સ્કૂલ ચલાવે છે. શાળામાં રજાઓ ચાલતી હતી. પરિવાર ફરવા નિકળી ગયો હતો. દિવાળીના બીજા દિવસે સાંજે પરિવારના સભ્યો જેસલમેર જવા રવાના થયા હતા. 6 નવેમ્બરે આ શખ્સોએ રામદેવરામાં રોકાણ કર્યું હતું. 7 નવેમ્બરે તેઓ તનોટ જવા રવાના થયા. આ સમય દરમિયાન જ અકસ્માત થયો હતો.

અંજુ નિયુક્તિની રાહ જોતી હતી
આ દૂર્ઘટનાનો ભોગ બનનારી વિશાલના તાઉના પુત્ર રાજીવની પત્ની અંજૂની તાજેતરમાં ગ્રેડ-3ની શિક્ષક પરીક્ષામાં પસંદગી કરવામાં આવી હતી. તે થોડા દિવસોમાં જોડાવાની હતી. રાજીવ અને તેમનો પરિવાર ખૂબ ખુશ હતો. તેમણે વિચાર્યું કે થોડા જ દિવસોમાં પરિવારનો કોઈ સભ્ય સરકારી નોકરીમાં આવી જશે. અંજુના મૃત્યુ બાદથી રાજીવ અને તેનો પરિવાર આઘાતમાં છે. ગામનું વાતાવરણ ગમગીન છે. અકસ્માતમાં એક સાથે પાંચ લોકોના મોતથી સૌને ચોંકાવી દીધા છે.

ચાર વર્ષના બાળકે માતા-પિતાની છત્રછાયા ગુમાવી
આ અકસ્માતમાં માર્યા ગયેલા વિશાલ અને તેની પત્ની રિંકુનો પુત્ર આર્યન માત્ર ચાર વર્ષનો છે. તે ગામમાં દાદા રુપરામ અને દાદી સાથે હતો જ્યારે તેના માતાપિતા જેસલમેરની મુલાકાતે હતા. રવિવારના અકસ્માતે તેના માતાપિતાનો પડછાયો તેના માથા પરથી છીનવી લીધો. ગામલોકો પુત્ર આર્યનની ચિંતા માં છે. તેમણે કહ્યું કે હવે ચાર વર્ષના નિર્દોષનું શું થશે.

error: Content is protected !!