મેં અને ધોનીએ ચમકાવ્યુ વિરાટનું કેરિયર, લાઈવ મેચમાં જ્યારે સેહવાગે કર્યો ખુલાસો તો બધા ચોંકી ગયા

ભારતીય ક્રિકેટ ટીમના ભૂતપૂર્વ વિસ્ફોટક બેટ્સમેન વીરેન્દ્ર સેહવાગ મેદાન પર પોતાની જોરદાર બેટિંગ માટે જાણીતો છે. તો, તે ઘણીવાર સોશિયલ મીડિયા પર તેની મજેદાર પોસ્ટ્સથી ચર્ચામાં રહે છે. વીરેન્દ્ર સેહવાગ ક્રિકેટ પર પણ પોતાની વાત રાખે છે અને તે ભારતીય ક્રિકેટ પર ચાંપતી નજર રાખે છે. વીરેન્દ્ર સેહવાગે ભારતીય ક્રિકેટ ટીમના પૂર્વ મહાન કેપ્ટન મહેન્દ્ર સિંહ ધોની અને વર્તમાન ભારતીય ટેસ્ટ અને ODI ટીમના કેપ્ટન વિરાટ કોહલી વિશે મોટું નિવેદન આપ્યું છે. તેણે મોટો દાવો કર્યો છે કે મહેન્દ્ર સિંહ ધોની અને તેના કારણે વિરાટ કોહલી સફળ કેપ્ટન બની શક્યો છે.

ઉલ્લેખનીય છે કે, વિરાટ કોહલીની ગણતરી આજના સમયના સૌથી સફળ અને મહાન બેટ્સમેનોમાં થાય છે. ભલે વિરાટ કોહલી તેની કપ્તાનીમાં ભારતને આઈસીસીનો કોઈ ખિતાબ અપાવી શક્યો નથી અને તેણે તાજેતરમાં જ ભારતની T20 ટીમની કેપ્ટનશીપ છોડી દીધી છે, જો કે ભારત માટે કેપ્ટનશિપ કરતી વખતે તેનો રેકોર્ડ ઘણો સારો રહ્યો છે.

દરેક ખેલાડીની કારકિર્દીમાં ખરાબ સમય આવે છે. જ્યારે તેનું પ્રદર્શન સારું રહેતું નથી અને તેને ઘણી ટીકાઓનો પણ સામનો કરવો પડે છે. વિરાટની આંતરરાષ્ટ્રીય કારકિર્દીમાં પણ આવો સમય આવ્યો છે. આ વિશે વાત કરતાં વીરેન્દ્ર સેહવાગે કહ્યું હતું કે, ત્યારે ધોની અને મેં તેને સપોર્ટ કર્યો હતો.

જણાવી દઈએ કે સેહવાગે એક મેચમાં કોમેન્ટ્રી દરમિયાન વિરાટ કોહલી વિશે મોટું નિવેદન આપ્યું હતું. તેણે કહ્યું હતું કે, “સિલેક્ટર્સ 2012માં પર્થમાં વિરાટ કોહલીને બદલે રોહિતને મેદાનમાં ઉતારવા માંગતા હતા. હું વાઇસ-કેપ્ટન હતો અને ધોની ટીમનું નેતૃત્વ કરી રહ્યો હતો અને અમે નક્કી કર્યું કે અમારે કોહલીને સપોર્ટ કરવો પડશે. બાકીનો ઇતિહાસ છે.” સેહવાગે આ વાત ત્યારે કહી હતી જ્યારે તે 2016માં ભારત અને ઈંગ્લેન્ડ વચ્ચે રમાયેલી ટેસ્ટ સીરીઝ દરમિયાન કોમેન્ટેટર હતો.

નોંધપાત્ર રીતે, વિરાટ કોહલીએ ODI ક્રિકેટમાં એક મોટી ઓળખ બનાવી હતી, જોકે તેણે ટેસ્ટમાં પોતાને સ્થાપિત કરવામાં સમય લીધો હતો. પ્રથમ ટેસ્ટમાં તેનું પ્રદર્શન નિરાશાજનક હતું, જો કે, બાદમાં તેને એવી ધાર જોવા મળી જેના માટે તે ઓળખાય છે અને હવે તે તમામ ફોર્મેટનો મહાન બેટ્સમેન છે.

વીરેન્દ્ર સેહવાગ ભારતીય ક્રિકેટનો મહત્વનો ભાગ રહ્યો છે. તે મેદાન પર તેની તાબડતોડ શૈલી માટે જાણીતો હતો. સેહવાગે ટેસ્ટ અને વનડે બંને ફોર્મેટમાં ભારત માટે શાનદાર રમત રમી છે. સેહવાગે ભારત માટે 104 ટેસ્ટ મેચ રમી છે અને તેણે ટેસ્ટમાં 8586 રન બનાવ્યા છે. આ સાથે જ તેણે 251 વનડેમાં ભારતનું પ્રતિનિધિત્વ પણ કર્યું છે. વનડેમાં તેના નામે 8273 રન છે. સેહવાગે 19 ટી20 મેચ પણ રમી છે જેમાં તેના નામે 394 રન છે. 43 વર્ષીય સેહવાગે વર્ષ 2015માં ક્રિકેટમાંથી નિવૃત્તિ લીધી હતી.

વિરાટની વાત કરીએ તો આ દિવસોમાં તે આરામ કરી રહ્યો છે. તેને ન્યૂઝીલેન્ડ સાથે તાજેતરમાં પૂરી થયેલી ટી20 શ્રેણીમાં આરામ આપવામાં આવ્યો હતો. તો, કાનપુરમાં રમાઈ રહેલી ટેસ્ટ મેચમાં તેની પસંદગી કરવામાં આવી ન હતી. પરંતુ તે મુંબઈમાં રમાનાર બીજી ટેસ્ટ સાથે ટીમ સાથે જોડાશે.