ફેમસ ગુજરાતી સિંગરનો મૃતદેહ મળી આવ્યો, કારમાં આવી હાલતમાં પડ્યો હતો મૃતદેહ, જુઓ તસવીરો

ગુજરાતી સિંગરની લાશ મળી આવતા ચકચાર મચી જવા પામી છે. નદી કિનારે પાર્ક કરેલી કારમાંથી ગાયિકાનો મૃતદેહ મળી આવ્યો હતો. હત્યાની આશંકા વ્યક્ત કરાઈ રહી છે. મૃતક સિંગરના પતિએ ગઇ કાલે સાંજે પોલીસમાં પત્નીની ગુમ થયાની જાણ કરી હતી. સિંગરના મોત અંગે અનેક રહસ્યો સર્જાયા છે. ઘટનાથી ગુજરાતી સંગીત જગતમાં શોક વ્યાપી જવા પામ્યો છે.

પ્રાપ્ત વિગત મુજબ વલસાડ જિલ્લાના પારડી તાલુકાના પાર નદી કિનારે એક કારમાં વલસાડની ગાયિકા વૈશાલી બલસારાની શંકાસ્પદ હાલતમાં લાશ મળી આવી હતી. સ્થાનિક લોકોએ અજાણી કારને ઘણા સમયથી ઉભેલી જોઈને ઘટનાની જાણ પારડી પોલીસને કરી હતી, જેથી પારડી પોલીસે ઘટના સ્થળે જઈને ચેક કરતા કારમાંથી શંકાસ્પદ હત્યા કરેલી હાલતમાં લાશ મળી હતી.

પતિએ નોંધાવી હતી ગુમ થયાની ફરિયાદ
પારડી પોલીસે ચેક કરતા વલસાડની ગાયિકા વૈશાલી બલસારા હોવાનું જાણવા મળ્યું હતું. વૈશાળીના પતિએ ગત રોજ વૌશાલી ઘરેથી ગુમ થઈ હોવાની નોંધ કરાવી હતી. પોલીસે લાશનો કબ્જો મેળવી આગળની તપાસ હાથ ધરી હતી. વૈશાલી વલસાડ પંથકમાં જાણીતી સિંગર હતી અને વિદેશમાં પણ સંગીતના શો કરી ચૂકી છે.

લાશનો કબ્જો મેળવી આગળની તપાસ હાથ ધરી
જિલ્લાના પારડી તાલુકામાં પાર નદી પાસે એક શંકાસ્પદ હાલતમાં કાર ઉભેલી જોઈને સ્થાનિક લોકોએ આજુબાજુમાં કાર માલિકની શોધખોળ હાથ ધરી હતી. કાર માલિક ન મળતા સ્થાનિક લોકોએ પારડી પોલીસને ઘટનાની જાણ કરી હતી. પારડી પોલીસની ટીમ તાત્કાલિક ઘટના સ્થળે પહોંચી કારમાં ચેક કરતા કારની પાછળની સીટના ફૂટરેક પાસેથી મહિલાની લાશ મળી હતી.

પારડી પોલીસે પ્રાથમિક તપાસ હાથ ધરી હતી. જેમાં વલસાડની ગાયિકા વૈશાલી બલસારાની શંકાસ્પદ હત્યા કરેલી હાલતમાં લાશ મળી હોવાનું સામે આવ્યું હતું. પોલીસે લાશનો કબ્જો મેળવી FSLની ટીમની મદદ મેળવી હતી. ઘટના અંગે વલસાડ LCBની ટીમને જાણ થતાં વલસાડ LCBની ટીમે ઘટના સ્થળે પહોંચી તપાસ હાથ ધરી હતી.

પતિએ લાશની ઓળખ કરી
વૈશાલી બલસારા ગઈ કાલના રોજ ગુમ થઈ હોવાની નોંધ વૈશાલીના પતિએ સીટી પોલીસ મથકે કરવી હતી. પારડી પોલીસે વૈશાલીના પતિને ઘટનાની જાણ કરતા વૈશાલી બલસારાના પતિએ લાશની ઓળખ કરી હતી.

અનેક સવાલો ઉભા થયા
હાલ તો મહિલાની લાશને લઈ અનેક સવાલો ઉઠી રહ્યા છે. મોત અંગે અનેક રહસ્યો અકબંધ છે, ત્યારે પોલીસે હાલ હત્યા કેમ થઈ? મહિલા કેમ અહીંયા ગાડી લઈ? એ દિશામાં તપાસ હાથ ધરી છે.

error: Content is protected !!