યુવતીએ જીવનની મંગલ શરૂઆત કરતા પહેલા અભ્યાસને મહત્વ આપ્યું, કોલેજની પરીક્ષા આપી

રાજકોટઃ રાજકોટમાં આજથી સૌરાષ્ટ્ર યુનીવર્સિટીની પરીક્ષાઓ શરુ થઈ છે. આ સમયે લગ્નના પરિધાનમા સજ્જ થઈને શિવાંગી બગથરીયા નામની યુવતી જ્યારે પરીક્ષા ખંડમાં આવી ત્યારે સૌ કોઈ ચકિત થઈ ગયા હતા. જ્યાં તેમણે મીડિયાને જણાવ્યું હતું કે, લગ્ન કરતા મારા માટે શિક્ષણ મહત્વનું છે. આમ લગ્નના દિવસે જ પ્રભુતામાં પગલા પાડે તે પહેલા દુલ્હનના શણગારમાં કોલેજની પરીક્ષા આપી હતી. લગ્ન પહેલા શિક્ષણને મહત્વ આપી શિવાંગીએ સમાજમાં નવો રાહ ચિંધ્યો છે.

વધુમાં શિવાંગીએ જણાવ્યું હતું, હું આજે બેચલર ઓફ સોશિયલ વર્કની પરીક્ષા આપવા આવી છું. અભ્યાસ પૂર્ણ કર્યા બાદ સમાજીક કાર્ય કરવું એ મારા જીવનનું એક મહત્વનું કાર્ય છે. જેના માટે અભ્યાસ કરવો જરૂરી છે અને એટલે જ આજે હું મારી પરીક્ષા આપવા આવી છું.

જયારે લગ્નની તારીખ નક્કી થઈ ત્યારે પરીક્ષાની તારીખ પણ જાહેર થઈ હતી. માટે અમે લગ્નનું મહુર્ત થોડું મોડું નક્કી કર્યું અને પહેલા હું એક્ઝામ આપવા આવી છું. લગ્ન પહેલા શિક્ષણને મહત્વ આપી શિવાંગીએ સમાજમાં નવો રાહ ચિંધ્યો છે.

ઉલ્લેખનીય છે કે શિવાંગી હાલ BSWનો અભ્યાસ કરે છે. આજે BSW સેમ-5ની પરીક્ષા છે. ત્યારે શિવાંગી લગ્ન પહેલા પોતાના પતિ સાથે કોલેજે પરીક્ષા આપવા પહોંચી હતી.

શિવાંગીએ અભ્યાસને મહત્વ આપવાં માટે લગ્નના દિવસે જ પ્રભુતામાં પગલા પાડે તે પહેલા દુલ્હનના શણગારમાં કોલેજની પરીક્ષા આપી હતી. ત્યારબાદ પોતાના લગ્ન મંડપમાં લગ્ન કરવા માટે વિધીમાં જોડાઈ હતી. આમ લગ્ન પહેલા શિક્ષણને મહત્વ આપી શિવાંગીએ સમાજમાં નવો રાહ ચિંધ્યો છે.