મુકેશ અંબાણી સિવાય ભારતમાં ફક્ત ત્રણ લોકો પાસે છે Tesla કાર, નામ જાણી ચોંકી જશો

દુનિયાની સૌથી મોંઘી કારોમાંની એક Tesla કારની ભારતમાં લાંબા સમયથી રાહ જોવાઈ રહી છે. ગયા વર્ષે જાન્યુઆરીમાં ભારતમાં ટેસ્લાનું રજીસ્ટ્રેશન થયા બાદ હજુ સુધી લોન્ચિંગને લઈને સ્થિતી સ્પષ્ટ થઈ નથી. પરંતુ ભારતમાં કારના શોખીન કેટલાક લોકોએ આ લોન્ચની રાહ ન જોઈ અને આ કારને ઈમ્પોર્ટ કરીને પોતાના ઘરે લઈ આવ્યા છે.

આ થોડા લોકોમાં ભારતના સૌથી ધનિક વ્યક્તિત્વ મુકેશ અંબાણીનું નામ ન હોય, એવું ન થઈ શકે. તો અમે તમને જણાવી દઈએ કે મુકેશ અંબાણીની પાસે એક નહીં પરંતુ બે ટેસ્લા કાર છે.

ટેસ્લા કાર આયાત કરવી ઘણી મોંઘી
હાલમાં ભારતમાં માત્ર ચાર લોકો પાસે Tesla કાર છે. આનું કારણ એ છે કે દરેક વ્યક્તિ પોતપોતાના કારણોસર દેશની બહાર આ કાર ખરીદ્યા પછી કરોડો રૂપિયાની જંગી આયાત ડ્યુટી ચૂકવવા માંગતા નથી. આ જ કારણ છે કે અત્યારે ભારતના રસ્તાઓ પર ટેસ્લાની કાર ભાગ્યે જ જોવા મળે છે. તમને આગળ જણાવીશુ કે ભારતના કયા ચાર લોકો પાસે આ કાર છે.

એસ્સાર ગ્રુપના પ્રશાંત રૂઈયા
ટેસ્લા કારના માલિકોમાં એસ્સાર ગ્રુપના પ્રશાંત રુઈયાનું નામ ખૂબ જ ખાસ છે. કારણ કે રુઈયા એવા પ્રથમ ભારતીય છે જેમને ટેસ્લા કાર મળી છે. પ્રશાંત રુઈયા પાસે 2017 થી ટેસ્લા કાર છે. રુઈયા વાદળી ટેસ્લા મોડલ X ધરાવે છે. આ ઇલેક્ટ્રિક એસયુવીમાં બે મોટર છે અને તેમાં 7 સીટ છે. આ કાર માત્ર 4.8 સેકન્ડમાં 100 કિમી પ્રતિ કલાકની ઝડપે પહોંચી જાય છે.

મુકેશ અંબાણીની પાસે બે ટેસ્લા કાર છે
મોંઘી કારોના શોખીન મુકેશ અંબાણીની પાસે એક નહીં પરંતુ બે ટેસ્લા કાર છે. મુકેશ અંબાણીએ 2019માં તેમની પ્રથમ ટેસ્લા કાર ખરીદી હતી. તેની પ્રથમ ટેસ્લા કારનું મોડેલ ટેસ્લા મોડલ S 100D છે. આ મોડલ ફુલ ચાર્જ પર 495 કિમી દોડી શકે છે અને તેની ટોપ સ્પીડ 249 કિમી પ્રતિ કલાક છે. આ કાર માત્ર 4.3 સેકન્ડમાં શૂન્યથી 100 કિમી પ્રતિ કલાકની ઝડપ પકડી શકે છે.

આ પછી મુકેશ અંબાણીએ ટેસ્લા મોડલ X 100D ખરીદ્યું અને ખાનગી રીતે આયાત કર્યું. સફેદ રંગની આ કાર અત્યાર સુધી ભાગ્યે જ રસ્તાઓ પર જોવા મળી છે. આ કાર પણ મિડ-વેરિઅન્ટની છે અને એકવાર ફુલ ચાર્જ થયા પછી તે 475 કિલોમીટરની રેન્જ આપે છે. આ કાર માત્ર 2.5 સેકન્ડમાં શૂન્યથી 100 કિમી પ્રતિ કલાકની ઝડપ પકડી શકે છે.

રિતેશ દેશમુખને ટેસ્લા ભેટમાં મળી છે
આ યાદીમાં બાકીના બે નામ બોલિવૂડના છે. બોલિવૂડ અભિનેતા રિતેશ દેશમુખ પાસે ટેસ્લા મોડલ X છે, જે તેને તેની પત્ની જેનેલિયા ડિસોઝા તરફથી ભેટ તરીકે મળી હતી.

ટેસ્લા કાર પૂજા બત્રા પાસે
આ યાદીમાં છેલ્લું નામ ભૂતપૂર્વ મિસ ઈન્ડિયા પેસિફિક અને અભિનેત્રી પૂજા બત્રાનું છે. તેની પાસે એન્ટ્રી-લેવલ ટેસ્લા મોડલ 3 છે. બેઝ મોડલ હોવા છતાં પણ આ કાર 5 સેકન્ડમાં 100ની સ્પીડ પકડી લે છે. તેની રેન્જ 386 kms અને ટોપ સ્પીડ 200 kmph છે.

error: Content is protected !!