11 કરોડની માલિક નીકળી મહિલા સરપંચ, કાળી કમાણીનો હવે ખુલ્યો ભેદ, ઓફિસરો રહી ગયા છક

એક સનસનીખેજ કિસ્સો સામે આવ્યો છે. લોકાયુક્ત પોલીસે દરોડા પાડી એક મહિલા સરપંચની કરોડોની સંપત્તિનો પર્દાફાશ કર્યો છે. ટીમને અત્યાર સુધી 19 કરોડથી વધુ સંપત્તિ મળી આવી છે. બે આલિશાન બંગલાની કિંમત સાડા ત્રણ કરોડ રૂપિયા છે. એક બંગલો એક એકરમાં ફેલાયેલો છે, જેમાં ગાર્ડન તથા સ્વિમિંગ પૂલ છે. 36 પ્લોટના ડોક્યુમેન્ટ મળ્યા છે, જેમાં 12 પ્લોટની કિંમત 80 લાખ રૂપિયા છે. ચાર જગ્યાએથી 30 કાર મળી છે. ઘરમાંથી સોના-ચાંદીના ઘરેણા પણ મળ્યા છે. બે ક્રશર પ્લાન્ટ સરપંચના નામે છે. સુધા સિંહની મોટાભાગની કમાણી ક્રશર પ્લાન્ટ તથા ગેરકાયદેસર રીતે લાઇમસ્ટોનની ખાણમાં ખોદકામ કરીને થઈ છે.

આખો મામલો રીવા જિલ્લાના હુઝુર તાલુકાના બૈજનાથ ગામનો છે. અહીં લોકાયુક્ત ટીમે મહિલા સરપંચ સુધા સિંહના ઘરે દરોડા પાડ્યા હતા.

આ દરમિયાન મહિલા સરપંચ પાસેથી વૈભવી બંગલો, કરોડોની કિંમતના વાહનો, સોના -ચાંદીના ઘરેણાં, જમીન, વીમાની સાથે ક્રેશર, જેસીબી, ચેઇન માઉન્ટેન જેવા મશીનો મળી આવ્યા છે.

તેમની અંદાજિત કિંમત 19 કરોડથી વધુ છે. સુધા સિંહે એક એકર બંગલામાં સ્વિમિંગ પૂલ પણ બનાવ્યો હતો. લોકાયુક્ત ટીમ હાલ સમગ્ર મામલાની તપાસ કરી રહી છે.

અત્યાર સુધીમાં 2 ડઝનથી વધુ જમીન રજિસ્ટ્રી, ઘણા વાહનો, વૈભવી બંગલો, ક્રેશર, સોનું, ચાંદી અને રોકડ મળી આવ્યા છે. ભ્રષ્ટાચારની ફરિયાદ મળતાં લોકાયુક્તે કોર્ટમાંથી સર્ચ વોરંટ લીધું હતું. સુધાનો પતિ કોન્ટ્રાક્ટર છે.

આ પછી, દરોડામાં કરોડોની મિલકતો સામે આવી છે. કાર્યવાહી હજુ પણ ચાલુ છે, જેના કારણે સંપત્તિમાં હજુ વધુ વધારો થવાની શક્યતા છે.

લોકાયુક્તે સરપંચનાં બે ઠેકાણા બૈજનાથ ગામ અને શારદાપુરમ કોલોનીમાં એક સાથે દરોડા પાડ્યા. બે મકાનોની કિંમત 2 કરોડ અને 1.5 કરોડ આંકવામાં આવી છે.

2 ક્રેશર મશીન, 1 મિક્સર મશીન, એક ઈંટોનું મશીન, 30 મોટા વાહનો, જેમાં ચેઈન માઉન્ટ, JCB,હાઈવા, લોડર, ટ્રેક્ટર, ઈનોવા, સ્કોર્પિયો, ઈંટ મશીન, સોના ચાંદીના દાગીના, જીવન વીમા પોલીસી, 36 પ્લોટ અને રોકડ મળી. તેમની અંદાજિત કિંમત 19 કરોડથી વધુ છે.