પહેલી ફિલ્મના મળ્યા હતા માત્ર 51 રૂપિયા, આજે છે 500 કરોડની સંપત્તિનાં માલિક

હિન્દી સિનેમાના પીઢ અભિનેતા ધર્મેન્દ્ર 8 ડિસેમ્બરે 86 વર્ષના થયા છે. તેમનો જન્મ 8 ડિસેમ્બર 1935ના રોજ પંજાબના નસરાલીમાં થયો હતો. હી-મેન તરીકે જાણીતા ધર્મેન્દ્ર આજે તેમનો 86મો જન્મદિવસ ઉજવી રહ્યા છે. તેમનું સાચું નામ ધરમ સિંહ દેઓલ છે. બાદમાં તેણે પોતાનું નામ બદલીને ફક્ત ધર્મેન્દ્ર રાખ્યું.

ધર્મેન્દ્રનો જન્મ હિન્દુ પરિવારમાં થયો હતો. તેમના પિતા લુધિયાણાના નસરાલી ગામમાં શાળાના મુખ્ય શિક્ષક હતા. અભિનેતાના પિતાનું નામ કેવલ કિશન સિંહ દેઓલ હતું. કહેવાય છે કે ધર્મેન્દ્રને બાળપણથી જ ફિલ્મોનો શોખ હતો. તેણે ભૂતકાળની અભિનેત્રી સુરૈયાની ફિલ્મ દિલ્લગી જોઈને ફિલ્મોમાં આવવાનું મન બનાવી લીધું હતું.

ખાસ વાત એ છે કે ધર્મેન્દ્રએ ‘દિલ્લગી’ એકવાર નહીં પરંતુ 40 વખત જોઈ હતી. સાથે જ તે કહે છે કે દિલીપ કુમારને જોયા બાદ પણ તેને હીરો બનવાની ઈચ્છા થઈ હતી.

19 વર્ષની ઉંમરે લગ્ન…
ધર્મેન્દ્રના પ્રથમ લગ્ન માત્ર 19 વર્ષની ઉંમરે થયા હતા. 1954માં તેણે પ્રકાશ કૌર સાથે લગ્ન કર્યા. ધર્મેન્દ્રની પહેલી પત્ની હેડલાઈન્સથી દૂર રહેવાનું પસંદ કરે છે.

પ્રથમ પત્નીથી ચાર સંતાનો…
ધર્મેન્દ્ર અને પ્રકાશ કૌર 4 બાળકોના માતા-પિતા બન્યા. બે દીકરીઓ અજિતા દેઓલ અને વિજેતા દેઓલ. બે પુત્રો સની દેઓલ અને બોબી દેઓલ છે.

93 હિટ ફિલ્મો, 49 સુપરહિટ ફિલ્મો પરંતુ કોઈ એવોર્ડ નથી…
અભિનેતા ધર્મેન્દ્ર લગ્ન કરીને મુંબઈ આવ્યા હતા. અહીં આવીને તેણે સંઘર્ષ કરવો પડ્યો. જોકે તે એક મોટો સ્ટાર પણ બની ગયા હતા. ધર્મેન્દ્રએ 93 હિટ અને 49 સુપરહિટ ફિલ્મો આપી. જો કે તેમ છતાં ધર્મેન્દ્રને તેની 61 વર્ષની કારકિર્દીમાં કોઈ એવોર્ડ મળ્યો નથી.

તેણે 1960માં ‘દિલ ભી તેરા હમ ભી તેરે’થી ડેબ્યૂ કર્યું હતું.
મુંબઈ આવીને ધર્મેન્દ્રને ડ્રિલિંગ ફર્મમાં પણ કામ કરવું પડતું હતું અને આ માટે તેને 200 રૂપિયા મળતા હતા અને તે ગેરેજમાં જ સૂઈ જતા હતા. અભિનેતાએ વર્ષ 1960માં ફિલ્મ ‘દિલ ભી તેરા હમ ભી તેરે’થી પોતાના કરિયરની શરૂઆત કરી હતી. તે પછી તેણે કામ કરવાનું ચાલુ રાખ્યું અને આગળ વધ્યો.

પહેલી ફિલ્મના 51 રૂપિયા, આજે 500 કરોડની સંપત્તિ…
કહેવાય છે કે ધર્મેન્દ્રએ તેની પ્રથમ ફિલ્મથી 51 રૂપિયાની કમાણી કરી હતી. જોકે આજે તેની સંપત્તિ અબજોમાં છે. મીડિયા રિપોર્ટ્સ અનુસાર આજે તે 500 કરોડ રૂપિયાની પ્રોપર્ટીના માલિક છે. હે-મેન પાસે ઘણા બંગલા, લક્ઝરી વાહનો અને પોતાનું એક વૈભવી ફાર્મ હાઉસ પણ છે. કહેવાય છે કે ધર્મેન્દ્રના બંગલાની કિંમત 150 કરોડ રૂપિયા આંકવામાં આવી છે.

હેમા માલિની સાથે બીજા લગ્ન, પછી બે પુત્રીના પિતા બન્યા
ધર્મેન્દ્રએ હિન્દી સિનેમામાં એકથી વધુ હિટ ફિલ્મો આપી અને આ સમય દરમિયાન તેઓ અભિનેત્રીઓ સાથે ઈશ્ક લડાવવામાં પણ પાછળ રહ્યા નહીં. પરિણીત હોવા છતાં તેમનું નામ મીના કુમારી, હેમા માલિની અને અનિતા રાજ જેવી અભિનેત્રીઓ સાથે જોડાયું હતું. હેમા માલિની સાથે ધર્મેન્દ્રની જોડીને મોટા પડદા પર ખૂબ પસંદ કરવામાં આવી હતી.

તમને જણાવી દઈએ કે ધર્મેન્દ્ર અને હેમાએ લગભગ 25 ફિલ્મોમાં સાથે કામ કર્યું હતું. આ દરમિયાન બંનેએ એકબીજા પર દિલ આપી બેઠા હતા. પરિણીત ધર્મેન્દ્રએ વર્ષ 1980માં હેમા સાથે લગ્ન કર્યા. આ દંપતી બે પુત્રીઓના માતા-પિતા છે. જેમના નામ એશા દેઓલ અને આહાના દેઓલ છે.

બે પત્નીઓ અને 6 બાળકો હોવા છતાં, ધર્મેન્દ્ર તેમનો બધો સમય મુંબઈ નજીક સ્થિત તેમના વૈભવી ફાર્મહાઉસમાં વિતાવે છે. તેઓ અવારનવાર અહીં ખેતી કરતા જોવા મળે છે. વર્ક ફ્રન્ટની વાત કરીએ તો, ધરમ જીની છેલ્લી ફિલ્મ વર્ષ 2014માં આવી હતી, જેનું નામ Double di Trouble હતું જે પંજાબી ફિલ્મ હતી.

 

error: Content is protected !!