બહેનનો યુવક સાથે હતો પ્રેમસંબંધ, ભાઈએ આખી રાત બહેનને માર માર્યો અને સવારે ગળું દબાવી દીધું

એક રૂંવાડા ઊભા કરી દેતો કિસ્સો સામે આવ્યો છે. જેમાં ફિલ્મ ‘સૈરાટ’નું પુનરાવર્તન થવાની ઘટના સામે આવી છે. 22 વર્ષીય બહેનના કોઈક યુવક સાથેના પ્રેમસંબંધ હોવાની શંકા જતાં તેના ભાઈએ આખી રાત તેને ઢોર માર માર્યો અને ગળું દબાવીને મોતને ઘાટ ઉતારી. ભાઈએ બહેને આત્મહત્યા કરી હોવાની વાત ઉપજાવી કાઢી હતી. તેણે બહેનની લાશને સાડીની લેસનો ફાંસો બનાવી ઝાડ સાથે લટકાવી દીધી હતી.

આ બનાવ મહારાષ્ટ્રના સકરી તાલુકાના નિઝામપુર વિસ્તારનો છે. 24 વર્ષીય સંદીપ રમેશ હલોરને શંકા હતી કે તેની બહેન પુષ્પાનું કોઈની સાથે અફેર ચાલે છે. રાત્રે તેને ઢોર માર મારીને પતાવી દીધી હતી.

આ બનાવની જાણ થતાંજ પોલીસ હટ્ટી ગામે પહોંચી હતી. આરોપી સંદીપ હાલોર ગામમાં જ મળી આવ્યો હતો. જ્યારે પોલીસે તેની પૂછપરછ કરી તો તેણે પહેલા નાટક કર્યું અને રડવા લાગ્યો. પરંતુ કડકાઈથી પૂછપરછ કરી તો તેણે હત્યા કરી હોવાની વાત કબૂલી હતી.

પોલીસે જણાવ્યું કે બહેનને માર માર્યા બાદ તેનું ગળું દબાવીને હત્યા કરી નાખી. બાદમાં પોલીસથી બચવા માટે તેને લીંબુના ઝાડમાં ફાંસો ખાધાની હાલતમાં લટકાવી દીધી હતી. ત્યારબાદ ભાઈએ બહેનની આત્મહત્યાની કહાની એવી રીતે બનાવી કે બહેને ગળેફાંસો ખાઈને મોતને વ્હાલું કર્યું છે.

ગામના લોકોએ જણાવ્યું હતું કે અંતિમ સંસ્કારમાં બહેનના શરીર પર ઈજાના ઘા સ્પષ્ટ દેખાતા હતા. આ ઉપરાંત અંતિમ સંસ્કારમાં સાડી અને સાડીની લેસને સળગાવીને પુરાવાનો નાશ કર્યો હતો. પોલીસે આ કેસને ઉકેલવા આરોપી ભાઈની ધરપકડ કરી હતી. સકરી કોર્ટે ભાઈને રિમાન્ડ પર મોકલ્યો છે.

સમગ્ર મામલો ઉકેલતા નિઝામપુર પોલીસે આરોપી ભાઈની ધરપકડ કરી હતી. સાક્રી કોર્ટે આરોપી ભાઈને પોલીસ કસ્ટડીમાં મોકલી આપ્યો છે, આ ચોંકાવનારી ઘટનાએ સમગ્ર તાલુકામાં ખળભળાટ મચાવી દીધો છે, પરંતુ પોલીસે આ સમગ્ર પ્રકરણમાં હત્યાની કહાનીને આત્મહત્યામાં ખપાવનાર આરોપી ભાઈની ધરપકડ કરી છે.