પુનીત રાજકુમારની જેમ નેત્રદાન કરવા માટે 3 ફેન્સે કર્યુ સુસાઈડ, અત્યાર સુધીમાં 10નાં મોત

કન્નડ સુપરસ્ટાર અભિનેતા પુનીત રાજકુમારનું 29 ઓક્ટોબરે હાર્ટ એટેક આવવાથી નિધન થયું હતું. પુનીત રાજકુમારને જીમમાં વર્કઆઉટ કરતી વખતે હાર્ટ એટેક આવ્યો હતો. ક્રિકેટર વેંકટેશ પ્રસાદે ટ્વિટર પર ટ્વીટ કરીને તેમના મૃત્યુની માહિતી આપી છે. આ અભિનેતાએ 46 વર્ષની વયે અંતિમ શ્વાસ લીધા હતા. 46 વર્ષની વયે દુનિયા છોડીને જવાનું ખરેખર દુઃખદ છે. તેમના આકસ્મિક નિધનથી તેમના ચાહકો અને ફેન્સને માટે મોટો આઘાત લાગ્યો છે.

અભિનેતાના મૃત્યુ બાદ તેમની આંખોનું દાન કરવામાં આવ્યું હતું. તેમની આંખોમાંથી ચાર જીવન રોશન થયા હતા. હવે તેમના ગયા પછી એવા સમાચાર સામે આવી રહ્યા છે જે અસહનીય છે. પાવર સ્ટારના ચાહકો પણ તેના પગલે ચાલીને મોતને ભેટી રહ્યા છે. અત્યાર સુધી તેમના ઘણા ચાહકો તેમની જેમ તેમની આંખો દાન કરવા માટે આત્મહત્યા કરી ચૂક્યા છે. અભિનેતાના ચાહકો પણ તેમના મૃત્યુના આઘાતમાં પોતાનો જીવ આપી રહ્યા છે.

જે સમાચાર સામે આવ્યા છે તે મુજબ અત્યાર સુધીમાં 10 ફેન્સના મોતના સમાચાર સામે આવ્યા છે. તેમાંથી ત્રણના મોત હાર્ટ એટેકથી થયા છે. તો, એવા સમાચાર છે કે કર્ણાટકના ત્રણ ચાહકોએ તેમની આંખોનું દાન કરવા માટે આત્મહત્યા કરી લીધી છે. સૂત્રોનું માનીએ તો 3 નવેમ્બરના રોજ ટુમકુરમાં રહેતા ભરન નામના ફેને ફાંસી લગાવી લીધી હતી. તેની પાસેથી એક સુસાઈડ નોટ મળી આવી છે જેમાં લખ્યું છે કે, હું અપ્પુ (પુનીત રાજકુમાર)ની ખોટ સહન કરી શકતો નથી અને તેની સાથે રહેવા જઈ રહ્યો છું, મારા સ્ટારની જેમ મારી આંખો દાન કરી દેજો.

આ પછી બેંગ્લોરના આનેકલમાં રહેતા 24 વર્ષીય રાજેન્દ્ર અને રામનગર જિલ્લાના ચન્નાપટનામાં રહેતા વેંકટેશે પણ આંખોનું દાન કરવા માટે આત્મહત્યા કરી હતી. નારાયણ નેત્રાલયના ડોક્ટરે જણાવ્યું કે, પુનીતના નેત્રદાનથી રાજ્યભરમાં મોટી સંખ્યામાં લોકો તેમની આંખોનું દાન કરવાનો સંકલ્પ લઈ રહ્યા છે. અગાઉ એક કે બે દાતા ભાગ્યે જ મળતા હતા. પરંતુ હવે અમારી પાસે દરરોજ 100 અરજીઓ આવી રહી છે.

કન્નડ ફિલ્મોના સુપરસ્ટાર છેલ્લે યુવારથના ફિલ્મમાં જોવા મળ્યા હતા. તેમની ફિલ્મ આ વર્ષે જ રિલીઝ થઈ હતી. તે ‘વીરા કન્નડીગા’, ‘અજય’, ‘અભિ’, ‘અરસુ’, ‘રામ’, ‘હુદુગરુ’ અને ‘અંજની પુત્ર’ જેવી પ્રખ્યાત ફિલ્મો માટે જાણીતા છે. તેણે અત્યાર સુધીમાં 29 થી વધુ કન્નડ ફિલ્મોમાં કામ કર્યું છે. તેણે બાળ કલાકાર તરીકે તેની કારકિર્દીની શરૂઆત કરી અને શ્રેષ્ઠ બાળ કલાકારનો રાષ્ટ્રીય ફિલ્મ પુરસ્કાર પણ જીત્યો.

પુનીત રાજકુમારે 1985માં રિલીઝ થયેલી ‘બેટ્ટાડા હુવુ’માં બાળ કલાકાર તરીકે કામ કર્યું હતું. આ સાથે, તેણે ચાલીસુવા મોડાગાલુ અને યેરાડુ નક્ષત્રગાલુમાં તેના અભિનય માટે કર્ણાટક રાજ્ય પુરસ્કારમાં શ્રેષ્ઠ બાળ કલાકારનો એવોર્ડ જીત્યો. અભિનેતા પુનીતને 2002માં ચાહકો તરફથી અપ્પુ નામ મળ્યું હતું. તે પછી તે આ નામથી ઓળખાવા લાગ્યા હતા.

error: Content is protected !!