પાણીમાં પગ લટકાવીને બેઠી 13 વર્ષની છોકરી, પગ બહાર કાઢ્યો તો અંગૂઠો હતો ગાયબ

નદીમાં નહાવાનું દરેક વ્યક્તિને ગમે છે. ઘણા લોકો ખૂબ જ શોખથી તેમાં નહાય છે અથવા ડૂબકી લગાવે છે. નદી ખૂબ જ સુંદર જગ્યા હોય છે. અહીં આવીને તેમાં સ્નાન કરવાથી મન તાજુ થઈ જાય છે. આવી સ્થિતિમાં ઘણા લોકો નદીમાં પગ લટકાવીને બેસવાનું પણ પસંદ કરે છે. એક 13 વર્ષની છોકરીએ આવું જ કર્યું. નદીમાં પગ લટકાવીને તે સુંદર નજારો માણી રહી હતી. જોકે, પછી તેની સાથે કંઈક એવું થયું કે તેના પગ નીચેથી જમીન સરકી ગઈ.

યુવતીએ નદીમાંથી પગ બહાર કાઢતા જ તેનો અંગૂઠો ગાયબ હતો. પગનો અંગૂઠો પગથી સાવ અલગ થઈ ગયો હતો. તે અંગૂઠો ક્યાં ગાયબ થઈ ગયો તેની કોઈને ખબર નહોતી. જો કે, જ્યારે પાછળથી અંગૂઠો ગાયબ થવાનું કારણ સામે આવ્યું ત્યારે બધાને આશ્ચર્ય થયું. જેણે પણ આ ઘટના સાંભળી તે ડરીને નદીમાં પગ લટકાવીને બેસવાનું ભુલી ગયા. તો તે છોકરીની સાથે શું થયું જેણે અચાનક તેનો અંગૂઠો ગુમાવ્યો? ચાલો જાણીએ.

નદીમાંથી ગાયબ થયો છોકરીનાં પગનો અંગૂઠો
વાસ્તવમાં આ અનોખી ઘટના આર્જેન્ટીનાના સાંતા ફેનીની છે. મીડિયા રિપોર્ટ્સ અનુસાર, 13 વર્ષની બાળકી અહીં સ્થિત પરાણા નદીના કિનારે પરિવાર સાથે બેઠી હતી. તેના પગ નદીની અંદર લટકતા હતા. તે અહીં બેસીને ધુમ્મસની મજા માણી રહી હતી. જોકે, થોડા સમય બાદ તેને અચાનક પગમાં દુખાવો થવા લાગ્યો. જ્યારે તેણે તેનો પગ નદીમાંથી બહાર કાઢ્યો ત્યારે તે લોહીથી લથપથ હતો. તેમાં તેના પગનો અંગૂઠો પણ નહોતો. આ જોઈને યુવતીના પરિવારજનો ગભરાઈ ગયા અને તેને તાત્કાલિક હોસ્પિટલ લઈ ગયા.

માછલી નીકળી કારણ
તો હવે સવાલ એ થાય છે કે યુવતીનો પગનો અંગૂઠો ગયો ક્યાં? વાસ્તવમાં તે અંગૂઠો માછલી ખાઈ ગઈ હતી. આ સાંભળવામાં તમને કદાચ અજીબ લાગશે, પરંતુ આ સત્ય છે. જ્યારે યુવતી નદીમાં પગ લટકાવીને બેઠી હતી ત્યારે એક માછલીએ તેના પગ પર હુમલો કરીને તેનો પગનો અંગૂઠો કાપી નાખ્યો હતો. તે પિરાન્હા માછલી (Piranha Fish)હતી.

Piranha માછલી ખૂબ જ ખતરનાક હોય છે
તમારી જાણકારી માટે તમને જણાવી દઈએ કે પિરાન્હા એક ખતરનાક માછલી છે. તે કદમાં નાની હોય છે, પરંતુ તેના દાંત ખૂબ જ તીક્ષ્ણ હોય છે. આ માછલી માંસ ખાય છે. તે ટોળાઓમાં શિકાર કરે છે. જ્યારે પણ તે જીવંત માંસનો ટુકડો એટલે કે જીવંત પ્રાણી જુએ છે, ત્યારે તે નિર્દયતાથી તેના પર તૂટી પડે છે. આ માછલીઓ વિશે એવું કહેવામાં આવે છે કે તેનો ઝૂંડ આખા મનુષ્યને ખાઈ શકે છે. જો કે, આવા કિસ્સાઓ ભાગ્યે જ જોવા મળે છે. પરંતુ આ માછલીઓ માટે માનવીઓ પર હુમલો કરવો અને તેમને ઇજા પહોંચાડવી એ સામાન્ય બાબત છે.

યુવતી સાથે બનેલી ઘટના અંગે સ્થાનિક લોકોનું કહેવું છે કે નદીમાં નાહ્યા બાદ તરત જ બહાર નીકળી જાવ તો કંઈ થતું નથી. પરંતુ જે લોકો લાંબા સમય સુધી નદીમાં રહે છે, આ માછલીઓ તેમના પર હુમલો કરે છે. પિરાન્હા માછલી સામાન્ય રીતે ઊંચા તાપમાન અને છીછરા પાણીવાળા વિસ્તારોમાં જોવા મળે છે.