અરૂણિતાનાં લગ્નનું કાર્ડ મળતા જ ભાવુક થયો પવનદીપ, કહ્યું – દુઆઓમે યાદ રખના
ટીવીના લોકપ્રિય સિંગિંગ રિયાલિટી શો ‘ઈન્ડિયન આઈડલ’ની 12મી સીઝનના વિજેતા પવનદીપ રાજન અને રનર અપ અરુણિતા કાંજીલાલે પોતાના સુરીલા અવાજથી દર્શકોને દિવાના બનાવી દીધા હતા. આ શોનો હિસ્સો બન્યા બાદ બંનેની લોકપ્રિયતામાં જબરદસ્ત વધારો થયો હતો. આ શોમાં બંનેની કેમેસ્ટ્રી પણ દર્શકોને ખૂબ પસંદ આવી હતી. પવનદીપ રાજન અને અરુણિતા કાંજીલાલ ઈન્ડિયન આઈડલ 12 ના અંત પછી પણ ઘણા પ્રસંગોએ સાથે જોવા મળ્યા છે.
ઘણીવાર શોમાં બંને એકસાથે હાજરી પણ આપતા રહ્યા છે. તાજેતરમાં જ બંને ફરી એક શોમાં સાથે જોવા મળ્યા હતા. આ શોને લગતો એક વીડિયો સોશિયલ મીડિયા પર વાયરલ થઈ રહ્યો છે, જેમાં તમે બંનેની કેમેસ્ટ્રી ફરીથી જોઈ શકો છો.
પવનદીપ રાજન અને અરુણિતા કાંજીલાલ હાલમાં જ એક શોમાં પહોંચ્યા હતા. આ શોમાં પીઢ ગાયક ઉદિત નારાયણ અને પ્રખ્યાત ગાયિકા અલકા યાજ્ઞિક પણ હાજર હતા. આ શોને ઉદિત નારાયણ અને સુગંધા મિશ્રા હોસ્ટ કરી રહ્યાં છે. જ્યારે પવનદીપ અને અરુણિતા શોમાં એકસાથે દેખાયા ત્યારે સુગંધા અને આદિત્યએ તેમને સવાલ કર્યો, જે હવે હેડલાઈન્સમાં છે અને તેને લગતો એક વીડિયો પણ સોશિયલ મીડિયા પર વાયરલ થઈ રહ્યો છે.
આ શોમાં અરુણિતા અને પવનદીપ બંનેને કેટલાક પ્રશ્નો પૂછવામાં આવ્યા હતા અને બંનેએ ગીતો દ્વારા જવાબ આપ્યા હતા. બંનેના મધુર અવાજો સાંભળીને સૌ મંત્રમુગ્ધ થઈ ગયા. પહેલા શોની હોસ્ટ સુગંધા મિશ્રાએ અરુણિતાને પૂછ્યું કે જો પવનદીપ તને દાંડિયા વડે મારશે તો તું કયું ગીત ગાશે? થોડો વિચાર કર્યા પછી અરુણિતાએ ‘હમ પે યે કિસને હરા રંગ ડાલા’ ગીત ગાયું.
આ પછી શોના બીજા હોસ્ટ આદિત્ય નારાયણે પવનદીપ રાજનને એક સવાલ પૂછ્યો. આદિત્યએ પવનદીપને પૂછ્યું કે જો તમને અરુણિતાના લગ્નનું કાર્ડ મળશે તો તમારી પ્રતિક્રિયા શું હશે? સવાલ સાંભળીને પવનદીપ વિચારવા લાગ્યો અને પછી તેણે રણબીર કપૂરની ફિલ્મનું લોકપ્રિય ગીત ‘અચ્છા ચલતા હૂં’ ગાવાનું શરૂ કર્યું.
પવનદીપ અને અરુણિતા બંનેની આ સ્ટાઈલ તેમના ફેન્સને પસંદ આવી રહી છે. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે અને ફેન્સ તેના પર ઘણી કોમેન્ટ પણ કરી રહ્યા છે. પ્રેક્ષકોએ બંનેના ગીતોનો આનંદ માણ્યો એટલું જ નહીં, બંને સ્ટેજ પર એકબીજાના ગીતો માણતા પણ જોવા મળ્યા.
આ વીડિયોને અરુણિતાના એક ફેન પેજ દ્વારા ઈન્સ્ટાગ્રામ પર શેર કરવામાં આવ્યો છે. આ વીડિયોને એક લાખ 89 હજારથી વધુ લોકોએ લાઈક કર્યો છે.