માત્ર 15 મિનિટનો રોલ કરીને છવાઈ ગયો ‘ભંવરસિંહ’,જાણો, આવી છે ભંવરસિંહની અસલી કહાની

પુષ્પા, ‘પુષ્પા પુષ્પરાજ મેં ઝૂકેગા નહીં સાલા’, ‘પુષ્પા નામ સુનકમ ફ્લાવર સમજે ક્યાં, ફાયર હૈ મૈ’, શ્રીવલ્લી, ‘સામી સામી’, આ જ શબ્દો, આ જ ગીતો, લોકોના મોઢે સાંભળવા મળી રહ્યા છે. સાઉથની એક ફિલ્મે માત્ર ભારતમાં જ નહીં પરંતુ વિશ્વભરમાં ધૂમ મચાવી છે. ફિલ્મનું નામ છે ‘પુષ્પાઃ ધ રાઇઝ’. મૂળભૂત રીતે આ એક તેલુગુ ફિલ્મ છે. આ ફિલ્મનું નિર્દેશન સુકુમારે કર્યું છે.

સાઉથ ઈન્ડિયન ફિલ્મનો સુપરસ્ટાર અલ્લુ અર્જુન આ ફિલ્મમાં મહત્વની ભૂમિકામાં જોવા મળી રહ્યો છે. ફિલ્મના નામ પર અલ્લુના પાત્રનું નામ પણ રાખવામાં આવ્યું છે. ફિલ્મમાં મુખ્ય અભિનેત્રીનું પાત્ર રશ્મિકા મંદન્નાએ ભજવ્યું છે.

આ ફિલ્મે બોક્સ ઓફિસ પર ધૂમ મચાવી છે. તેના ડાયલોગ્સ, ગીતો, હીરો, હીરોઈન, વિલન, વાર્તાઓ બધું જ સુપર ડુપર હિટ થયું છે. સાદી ભાષામાં કહીએ તો ફિલ્મે દર્શકોના દિલમાં અમીટ છાપ છોડી દીધી છે. અલ્લુ અર્જુનના અભિનયનો કોઈ જવાબ નથી.

ગામની સાદી છોકરીના રોલમાં રશ્મિકાએ પણ મહેફિલને લુંટી લીધી. ફિલ્મના ખલનાયકોની વાત કરીએ તો તેમનો પણ કોઈ મુકાબલો નથી. ફિલ્મમાં મુખ્યત્વે ત્રણ વિલન છે. ત્રણેય ભાઈઓ હોય છે. કોંડા રેડ્ડી, જોલી રેડ્ડી અને જક્કા રેડ્ડી. પુષ્પા ત્રણેય સાથે પંગા લેતો જોવા મળે છે.

આ સિવાય એક-બે વધુ વિલન બતાવવામાં આવ્યા છે, જોકે તે બધાને છોડીને મહેફિલ ભંવર સિંહ શેખાવત લૂંટી લે છે. જે ફિલ્મના છેલ્લા ભાગમાં થોડા સમય માટે દેખાય છે, પરંતુ તેમ છતાં તે પોતાના અભિનયથી દર્શકોના દિલ જીતી લે છે.

ફિલ્મમાં ભંવર સિંહ શેખાવતના રોલમાં જોવા મળેલા એક્ટરનું નામ ફહાદ ફાઝીલ છે. આ ફિલ્મમાં ફહાદ પોલીસ ઓફિસરની ભૂમિકામાં છે. તેના હરિયાણવી ઉચ્ચારણની સાથે તેના અભિનયને પણ દર્શકોએ પસંદ કર્યો છે. તે છેલ્લી 15 મિનિટ સુધી ફિલ્મમાં ભાગ્યે જ દેખાય છે પરંતુ થોડા જ સમયમાં તે અન્ય વિલનને પછાડી દે છે.

હવે ફહાદ ફાઝીલ વિશે થોડું જાણીએ. ફહાદ ફાઝીલ એક અદ્ભુત કલાકાર છે. તેણે દક્ષિણ ભારતની ઘણી ફિલ્મોમાં કામ કર્યું છે. જોકે હવે તે ‘પુષ્પા’માં શાનદાર કામ કરીને ચર્ચામાં આવી ગયો છે. ફહાદની ઉંમર 39 વર્ષ છે. તેમનો જન્મ 8 ઓગસ્ટ 1982ના રોજ કેરળના કોચીમાં થયો હતો.

ફહાદ લગભગ 20 વર્ષથી ફિલ્મી દુનિયા સાથે જોડાયેલો છે. વર્ષ 2002માં તેની ફિલ્મી કરિયરની શરૂઆત ફિલ્મ ‘કાયતુમ દુરથ’થી થઈ હતી. આ ફિલ્મ ફ્લોપ રહી હતી. જ્યારે ફિલ્મ ફ્લોપ થઈ તો તેમનું મનોબળ પણ ઘટી ગયું અને આવી સ્થિતિમાં તેઓ અભ્યાસ પૂરો કરવા અમેરિકા ગયા.

અમેરિકા ગયા પછી ફહદે એક્ટર ઈરફાન ખાનની 2006માં આવેલી ફિલ્મ ‘યૂં હોતા તો ક્યા હોતા’ જોઈ. ફિલ્મ જોયા બાદ ફરી એકવાર ફહાદના માથે અભિનેતાનું ભૂત ચડી ગયું અને તે અમેરિકાથી ભારત પાછો આવ્યો.

પહેલા તો ફહાદ ઈરફાન વિશે જાણતો ન હતો, જો કે બાદમાં તેને ખબર પડી કે ફિલ્મ ‘યું હોતા તો ક્યા હોતા’માં જોવા મળેલો એક્ટર ઈરફાન ખાન હતો. આ ફિલ્મ જોયા પછી ફહાદ તેનો કાયલ થઈ ગયો. આ પછી ફહાદે ઈરફાનની ઘણી ફિલ્મો જોઈ અને ફિલ્મો તરફ પાછા વળ્યા. તો ઈરફાન ખાન એ વ્યક્તિ હતો જેણે ફહાદને ફિલ્મોમાં પાછો લાવ્યો.

પુરસ્કારોની વાત કરીએ તો, ફહાદને વર્ષ 2018માં સર્વશ્રેષ્ઠ સહાયક અભિનેતાનો રાષ્ટ્રીય પુરસ્કાર એનાયત કરવામાં આવ્યો છે. તેણે અન્નયુમ રસૂલમ, મહેશિંતે પ્રતિકારમ, થોન્ડીમુથલમ દ્રિકાસાક્ષીયુમ, કુમ્બલાંગી નાઈટ્સ અને સુપર ડીલક્સ જેવી ફિલ્મોમાં કામ કર્યું છે.

error: Content is protected !!