ભાઈના જન્મદિવસે જ ન્યૂઝ એન્કર બહેનને રસ્તામાં મળ્યું દર્દનાક મોત, ભાવુક કરી દેતો બનાવ

ટીવીની જાણીતી ન્યૂઝ એન્કર મહિમા શર્માનું કમકમાટીભર્યું મોત નીપજ્યું હતું. ન્યૂઝ એન્કર મહિમા શર્માનું રોડ અકસ્માતમાં મોત થયું હતું. મહિમાના સાથીઓએ જણાવ્યું કે તે આખો દિવસ ખૂબ જ ખુશ હતી. ભિલાઈમાં રહેતા તેના ભાઈનો જન્મદિવસ હતો. તે જ ઉજવણી કરવા માટે તે ઓફિસથી વહેલી નીકળી ગઈ હતી. રોડ માર્ગે, તે તેના ભાઈના જન્મદિવસની ઉજવણી કરવા સ્કૂટી દ્વારા ભિલાઈ જવા નીકળી હતી. રસ્તામાં તે લપસીને પડી ગઈ અને બીજી બાજુથી આવી રહેલા ફ્યુઅલ ટેન્કરની લપેટમાં આવી ગઈ.

મહિમા રાયપુરમાં એકલી રહેતી હતી, મૂળ મધ્યપ્રદેશના કટનીની રહેવાસી, મહિમા ગયા વર્ષે અભ્યાસ પૂરો કર્યા પછી થોડા મહિનાઓ પહેલા મીડિયા ઈન્ડસ્ટ્રીમાં જોડાઈ હતી. થોડા સમય માટે મહિમા કોલ સેન્ટરમાં પણ કામ કરતી હતી. તેણે રાયપુરના સ્થાનિક ડિજિટલ ન્યૂઝ પ્લેટફોર્મ પર કેટલાક ન્યૂઝ શો પણ હોસ્ટ કર્યા હતા.

રાયપુર મ્યુનિસિપલ કોર્પોરેશનના અધ્યક્ષ પ્રમોદ દુબેએ જણાવ્યું કે કોરોના મહામારી દરમિયાન મહિમાએ કેટલાક લોકોની મદદ માટે તેમનો સંપર્ક કર્યો હતો. તેણીએ લોકોને મદદ કરવાનો શ્રેષ્ઠ પ્રયાસ કર્યો. મહિમાના સહકર્મીઓએ જણાવ્યું કે ઓફિસમાં કામ કરતી વખતે તે હંમેશા મૈત્રીપૂર્ણ વલણ રાખતી હતી.

ભિલાઈના નંદની રોડ વિસ્તારમાં રહેતા ઓટો ડ્રાઈવર અભિષેક સિંહ ઉર્ફે રિંકુની નજર સામે આ અકસ્માત થયો હતો. અભિષેકે જણાવ્યું કે હું રાઈડ લેવા સુપેલા જઈ રહ્યો હતો. ઓટો ડ્રાઈવરે કહ્યું કે મહિમા તેના સ્કૂટર પર મારી સામે જ હતી. સાંજે જીઈ રોડ પાસે મહિલાનું સ્કૂટર સ્લીપ થતાં તે રોડ પર પડી હતી.

ઓટો ડ્રાઈવરે કહ્યું- આ સમયે પાવર હાઉસ તરફથી આવી રહેલા હિન્દુસ્તાન પેટ્રોલના ટેન્કરના આગળના પૈડા નીચે આવી ગઈ અને તેનું ઘટનાસ્થળે જ મોત થયું.

અભિષેકે તેના આઈડી કાર્ડથી મહિલાની ઓળખ કરી અને પોલીસને જાણ કરી. પોલીસે ટેન્કર કબજે કર્યું છે.