વેવાઈ પહેરે છે સાડી, મહિલાઓ આપે છે ગાળો, આવી વિદાય ક્યારેય નહીં જોઈ હોય

અત્યારસુધી તમે લગ્નમાં ઘણા રિતી-રિવાજ સાંભળ્યા હશે અને જોયા પણ હશે. પરંતુ વેવાઈને સાડી પહેરાવીને અને શ્રૃંગારમાં ડાન્સ કરતા નહી જોયા હોય. દીકરીની માતા વિદાઈ પહેલા વરરાજાના પિતાને સાડી પહેરાવે છે. દુલ્હાના પિતાની સાથે તેમના ભાઇઓને પણ સાડી પહેરવી પડે છે. આ દરમિયાન મહિલાઓ અપશબ્દો બોલીને ગીતો પણ ગાય છે. આ અનોખી પરંપરા પાલ સમાજની છે.

મધ્યપ્રદેશના રાજગઢથી ઉત્તરપ્રદેશ ગયેલી એક જાનમાં ત્યાની મહિલાઓએ વેવાઈઓને મહિલાઓના કપડાઓ પહેરાવ્યાં. ક્રીમ, પાવડર, લિપસ્ટિક, કાજલ, ચાંલ્લો વગેરે લગાવીને શ્રૃગાંર કર્યા. ત્યાર બાદ તેમના જોડે ડાન્સ પણ કરાવડાયો.

સારંગપુરમાં પાલ સમાજના મોહન સિંહ પાલના દીકરાના લગ્ન હતા. તેમના દીકરાની જાન ઝાંસી જિલ્લાના ટહરૌલી ગામમાં ગઈ હતી. અહીં જાન વચ્ચે વેવણે વેવાઈને સાડી પહેરાવી ડાન્સ કરાવ્યો.

જાનૈયાઓએ આ ઘટનાનો વીડિયો ઉતારી લીધો અને સોશિયલ મીડિયામાં પોસ્ટ કરી દીધો. ત્યાર બાદ રાજગઢ જિલ્લા સહિત દરેક જગ્યાએ આ પરંપરા ચર્ચાનો વિષય બની ગઈ. રિવાજ અનુસાર દુલ્હનની વિદાયના સમયે વેવણ વેવાઈને ડાન્સ કરાવે છે.

આવી રીતે શરુ થયો હતો રિવાજ
મોહન સિંહ પાલે જણાવ્યું કે વૃંદાવનમાં જ્યારે ગોપીઓએ કૃષ્ણ ભગવાનને રાસ રમાડ્યા હતા તે જ રિવાજ અનુસાર આજે પણ અમારા સમાજમાં દીકરીઓની વિદાય સમયે વેવણ વેવાઈને સાડી પહેરાવીને વિવિધ જાતના શ્રૃંગાર કરાવીને ડાન્સ કરાવે છે.

શ્રૃંગાર કરતા સમયે મહિલાઓ ગીત ગાય છે. તેનાથી દીકરી હસતા-હસતા વિદાય લે છે.