સ્પા સેન્ટરની આડમાં આડમાં ચાલતુ હતુ કૂટણખાનું, વિદેશી યુવતીઓ સહિત ઢગલાબંધ લોકો પકડાયા

મધ્યપ્રદેશના ઈન્દોરમાં ગુરૂવારે ક્રાઈમ બ્રાન્ચ અને મહિલા થાણા પોલીસે સંયુક્ત કાર્યવાહી કરીને હાઈપ્રોફાઈલ સેક્સ રેકેટનો પર્દાફાશ કર્યો હતો. એવું કહેવામાં આવી રહ્યું છે કે સ્પા સેન્ટરની આડમાં દેહવ્યાપારનો ધંધો કરવામાં આવતો હતો. પોલીસે વિદેશી યુવતીઓ સહિત અનેક યુવકોની ધરપકડ કરી છે. પોલીસે જણાવ્યું કે આ તમામ વાંધાજનક હાલતમાં મળી આવ્યા હતા. પોલીસ હવે દેહવ્યાપારના ધંધાને લગતા તમામ પાસાઓની ઝીણવટપૂર્વક તપાસ કરી રહી છે.

સ્પા સેન્ટરની આડમાં દેહવ્યાપાર ચાલતો હતો
જણાવી દઈએ કે, ફેમિલી સલોન સ્પા સ્કિન ક્લિનિકના નામે ચાલતા અનૈતિક દેહવ્યાપાર પર પોલીસે કડક કાર્યવાહી કરી અને સ્થાનિક પોલીસે મોટી કાર્યવાહી કરી. જણાવવામાં આવી રહ્યું છે કે થોડા મહિના પહેલા પણ પોલીસે આ જ સ્પા સેન્ટર પર દરોડા પાડીને ઘણી વિદેશી યુવતીઓની ધરપકડ કરી હતી. આ કાર્યવાહી દરમિયાન 10 છોકરીઓ અને 8 છોકરાઓની ધરપકડ કરવામાં આવી છે. આમાં કેટલીક વિદેશી યુવતીઓ પણ સામેલ છે. મહિલા પોલીસ સ્ટેશનના ટીઆઈ જ્યોતિ શર્માના જણાવ્યા અનુસાર, કાર્યવાહી દરમિયાન ધરપકડ કરાયેલા છોકરા-છોકરીઓની પૂછપરછ ચાલી રહી છે.

પહેલા પણ પોલીસે સ્પા સેન્ટર પર દરોડા પાડ્યા હતા
બે મહિના પહેલા બાંગ્લાદેશથી યુવતીઓને દેહવ્યાપાર માટે લાવનાર દલાલની ઈન્દોરના વિજયનગર પોલીસ સ્ટેશનની પોલીસે ધરપકડ કરી હતી. બે યુવતીઓ અને 4 લોકો પણ ઝડપાયા હતા. દલાલે પૂછપરછ દરમિયાન જણાવ્યું હતું કે તે બાંગ્લાદેશથી છોકરીઓને ઈન્દોર લાવતો હતો અને અન્ય વિસ્તારોમાં સપ્લાય કરતો હતો. આ પહેલા પણ ઈન્દોરના ઘણા વિસ્તારોમાંથી આવા ધંધાઓનો પર્દાફાશ થયો છે. આ મામલે પોલીસ કડકાઈથી કામ કરી રહી છે. પોલીસનું કહેવું છે કે આવા કોઈપણ કેસમાં પકડાયેલા લોકો સામે કડક કાયદાકીય કાર્યવાહી કરવામાં આવશે.

ઘણી વિદેશી યુવતીઓ પણ દેહવ્યાપારમાં સામેલ
આ અંગે વધુ માહિતી આપતા મહિલા સ્ટેશનના ઈન્ચાર્જ જ્યોતિ શર્માએ જણાવ્યું હતું કે આ ક્રાઈમ બ્રાન્ચ અને મહિલા પોલીસ સ્ટેશનનું સંયુક્ત સાહસ છે અને સાથે મળીને દરોડો પાડવામાં આવ્યો હતો. ગુપ્ત માહિતીના આધારે જાણવા મળ્યું હતું કે શગુન બિલ્ડીંગ જ્યાં કેટલાક અનૈતિક દેહવ્યાપાર ચાલે છે, તેના પર આ પહેલા પણ કાર્યવાહી કરવામાં આવી હતી. ફરી એકવાર ત્યાં દરોડા પાડીને અનેક મહિલાઓ અને પુરૂષો ઝડપાયા છે. જેમાં કેટલીક વિદેશી મહિલાઓનો પણ સમાવેશ થાય છે, જેમના વિશે નક્કર માહિતી મેળવવામાં આવી રહી છે. ગત વર્ષે પણ આ જ જગ્યાએ એટમ નામનો સ્પા હતો અને તેની સામે પણ કાર્યવાહી કરવામાં આવી હતી. ત્યારે પણ દરોડામાં અનેક મહિલાઓ અને પુરૂષો ઝડપાયા હતા.