હાથની મહેંદી પણ નહોતી સૂકાઈને પતિએ આપ્યું ધ્રુજાવી દેતું મોત, તીક્ષ્ણ હથિયારથી માથું ધડથી અલગ કરી નાખ્યું

સાણંદઃ સાણંદ વિસ્તારમાં આવેલ હોળી ચકલા નજીક આવેલા ગઢવી વાસમાં ભાડાના મકાનમાં રહેતા પતિ પત્નીનું તીક્ષ્ણ હથિયારથી ગળું કાપી ધડથી માથું અલગ કરી ફરાર થઇ જતાં સમગ્ર સાણંદમાં ચકચાર મચી છે. સાણંદ શહેરમાં આવેલા હોળી ચકલા વિસ્તારમાં આવેલ ગઢવી વાસમાં ભાડાના મકાનમાં ચાર દિવસ પહેલા રહેવા આવેલ કનુભાઈ ઉર્ફે ચકો હિતેશભાઈ ગોહિલ અને હંસાબેન (પતિ-પત્ની)ના લગ્ન અંદાજે 12-7-2021ના રોજ થયા હતા અને અગાઉ સાણંદના કપૂર વાસ ખાતે રહેતા હતા.

ગુરુવારે સવારે પોણા દસ પહેલા મકાનમાં દુર્ગંધ મારતા પાડોસીએ પોલીસને જાણ કરી હતી. પોલીસે ઘટના સ્થળે જઈ ઘરનું લોક ખોલાવીને જોતા પથારી પર હંસાબેનનું ધડથી માથું અલગ કરી ક્રૂર હત્યા કરેલી લાશ મળી આવી હતી .પતિ મોબાઈલ બંધ કરી નાસી જતા પોલીસની શંકાઓ પ્રબળ બની હતી. ઘટના બનતા સાણંદ ડિવિઝનના ડીવાયએસપી કે.ટી કામરીયા પણ ઘટના સ્થળે પહોચીને તપાસ હાથ ધરી હતી. ચકો હિતેશભાઈ ગોહિલ હત્યા કર્યાનું સામે આવ્યું છે. મૃતકના ભાઈએ સાણંદ પોલીસમાં પતિ હિતેશ વિરૂદ્ધ ફરિયાદ નોંધાવી હતી.

પોલીસ સુત્રો જણાવ્યું કે પતિ કનુભાઈ ઉર્ફે ચકો હિતેશભાઈ ગોહિલ અને તેની પત્ની હંસાબેન વચ્ચે ઘર કંકાસમાં હત્યા થઇ હોવાની શક્યતાઓ વ્યક્ત કરી રહ્યા છીએ ત્યારે હત્યારો પતિ ઝડપાય ત્યાર બાદ હત્યાનું મુખ્ય કારણ સામે આવે તેમ છે.

હંસાબેન મૂળ રાપર કચ્છ અને તેમનો પતિ હિતેશ ગોહિલ રાપર તાલુકાના જ આડેસર નો રહેવાસી છે અને બંને ના લગ્ન ચાર માસ પહેલા જ થયા હતા અને હિતેશને સાણંદ ખાનગી કંપનીમાં નોકરી હોવાથી બંને સાણંદ સ્થાયી થયા હતા .

સાણંદના પી.આઈ આર.જી ખાંટે જણાવ્યું હતું કે, સાણંદ પોલીસ સ્ટેશનના પી.આઈ આર.જી ખાંટએ જણાવ્યું કે પતિ સાણંદની ખાનગી કંપનીમાં નોકરી કરતો હતો. હત્યા બાદ પતિ મોબાઈલ ફોન બંધ કરી ફરાર થયો છે જેને ઝડપી લેવા સાણંદ પોલીસની અલગ અલગ ૩ ટીમો બનાવી છે. સાથે ટેકનીકલ સર્વેલન્સ અને સીસીટીવીના આધારે પણ કાર્યવાહી હાથ ધરવામાં આવી છે.