હજુ તો હાથની મહેંદી પણ નહોતી સૂકાઈને પતિએ કાઢી નાખ્યું પત્નીનું કાસળ, કારણ, બસ આવડું જ હતું

એક લગ્ન પ્રેમ, વિશ્વાસ, પારદર્શિતા અને માન-સમ્માન સાથે જીવનભર ટકે છે. જો આમાંથી કોઈપણ વસ્તુની કમી હોય તો લગ્ન બંધન તૂટી જાય છે. ક્યારેક પતિ-પત્ની વચ્ચેના ઝઘડા એ હદે વધી જાય છે કે વાત માર-પીટ સુધી પહોંચી જાય છે. હવે રાજસ્થાનના કોટા જિલ્લાના ઈટાવા પોલીસ સ્ટેશન વિસ્તારની આ ઘટનાને જ લઈ લો. અહીં એક દુલ્હનનું લગ્નના ચાર મહિના બાદ મોત થયું હતું. વરરાજાએ કહ્યું કે મારી પત્નીએ આત્મહત્યા કરી છે. પરંતુ જ્યારે પોલીસે તપાસ કરી તો જાણવા મળ્યું કે વરરાજાએ તેની દુલ્હનની હત્યા કરી છે. જેથી આખરે બંને વચ્ચે શું થયું જે વાત હત્યા સુધી પહોંચી. ચાલો જાણીએ.

પતિ અને પત્ની બંનેના હતા બીજા લગ્ન
ઈટાવા પોલીસ સ્ટેશન વિસ્તારમાં રહેતા કુલદીપે લગભગ ચાર મહિના પહેલા જુલાઈમાં પિસ્તા બાઈ નામની યુવતી સાથે લગ્ન કર્યા હતા. લગ્નની શરૂઆતમાં બધું બરાબર ચાલી રહ્યું હતું. બંનેના આ બીજા લગ્ન હતા. જ્યારે કુલદીપની પહેલી પત્નીએ તેને છોડી દીધો હતો, ત્યારે પિસ્તા બાઈએ પણ તેના પહેલા પતિથી છૂટાછેડા લીધા હતા. આવી સ્થિતિમાં કુલદીપ અને પિસ્તા બાઈ બંનેએ એકબીજા સાથે લગ્ન કરી લીધા. તેમણે પોતાના બીજા લગ્નનો ઉલ્લેખ પોતાના એગ્રીમેન્ટમાં પણ કર્યો હતો.

હત્યાને બતાવી આત્મહત્યા
16 નવેમ્બર મંગળવારે રાત્રે કુલદીપે તેની પત્ની પિસ્તા બાઈની હત્યા કરી હતી. હત્યાને અંજામ આપ્યા બાદ તેણે તેની પત્નીના ઘરે ફોન કરીને કહ્યું હતું કે, તમારી પુત્રીએ આપઘાત કર્યો છે, આવીને લાશ લઈ જાવ. જોકે, યુવતીના પિતા આ વાત માનતા ન હતા. તેણે પોલીસને જણાવ્યું કે તેની પુત્રી ગ્રેજ્યુએટ છે. તે આવું પગલું ન ભરી શકે.

આ પછી જ્યારે પોલીસે તપાસ કરી તો તેમને પિસ્તા બાઈના ગળામાં દોરડું અને પીઠ પર માર મારવાના નિશાન જોવા મળ્યા. પોલીસ સમજી ગઈ કે દાળમાં કંઈક કાળું છે. આ પછી તેણે મૃતકના પતિની કડક પૂછપરછ કરી. આખરે પતિએ પોતાનો ગુનો કબૂલી લીધો. ત્યારબાદ તેણે પોલીસને હત્યાની આખી વાત કહી.

આ કારણે પત્નીનું ગળુ દબાવ્યુ
પોલીસ તપાસમાં સામે આવ્યું છે કે પિસ્તા બાઈને તેના લગ્ન સમયે તેના પિયરમાંથી કેટલાક ઘરેણાં આપ્યા હતા. તેણીએ આ દાગીના તેના પિતા પાસે છોડી દીધા હતા. આ બાબતે કુલદીપ તેની સાથે દરરોજ ઝઘડો કરતો હતો. તે ઈચ્છતો હતો કે મહિલા તમામ દાગીના લાવીને તેને સોંપે. આ બાબતે બંને વચ્ચે ઝઘડો થયો હતો. ત્યારબાદ 16 નવેમ્બરની રાત્રે આ વિવાદ વધુ વધી ગયો. આવી સ્થિતિમાં કુલદીપે ગુસ્સામાં આવીને તેનું ગળું દબાવીને હત્યા કરી હતી. બાદમાં તેણે પોલીસ અને પત્નીના પરિવારજનો સમક્ષ તેને આત્મહત્યા ગણાવી હતી.

 

error: Content is protected !!