ગામડાના દેશી છોકરા પર લટ્ટુ થઈ ગોરી મેમ, ચાલ્યો લવનો એવો જાદુ કે લગ્ન કરવા માટે ભારત દોડતી આવી

પ્રેમ એક એવો જ એક શબ્દ છે. જેને સીમાઓથી બાંધી ન શકાય. હા, આ શબ્દ લખવામાં જેટલો ટૂંકો લાગે છે. તેનો વિસ્તાર એટલો જ વધારે છે. પ્રેમને કોઈ સીમા નથી અને કોઈ ધર્મ નથી. જણાવી દઈએ કે હવે આ માન્યતા ફરી એકવાર મજબૂત થઈ છે અને આંધ્ર પ્રદેશના ગુંટુરમાં તુર્કીની એક મહિલાએ ભારતીય પુરુષ સાથે લગ્ન કરી લીધા છે. તે પણ પરંપરાગત રીતે. આવો જાણીએ આ લવ સ્ટોરી વિશે…

નોંધનીય છે કે એક મીડિયા રિપોર્ટ અનુસાર, આંધ્ર પ્રદેશના મધુ સંકીર્થની મુલાકાત વર્ષ 2016માં એક વર્ક પ્રોજેક્ટ પર ગિઝેમ નામની યુવતી સાથે થઈ હતી અને તેઓ પહેલી નજરમાં જ મિત્રો બની ગયા હતા. પછી મિત્રતા પ્રેમમાં બદલાઈ. દરમિયાન, મધુ કામના સંબંધમાં તુર્કી ગયો હતો, જ્યાં જીઝેમ રહેતી હતી. પછી બંનેએ પોતાનું ઘર વસાવવાનું વિચાર્યું અને હવે બંનેએ લગ્ન કરી લીધા છે.

જણાવી દઈએ કે આપણે સામાન્ય રીતે જોઈએ છીએ કે શરૂઆતમાં પ્રેમ લગ્ન માટે પરિવારના સભ્યોને મનાવવા સરળ નથી. મધુ અને જીઝેમની વાર્તામાં પણ કંઈક આવું જ બન્યું હતું. પરંતુ આખરે તેઓ એક સાથે આવ્યા અને તેમના માતા-પિતાની મંજૂરી મળ્યા પછી, કપલે વર્ષ 2019માં સગાઈ કરી લીધી. તે જ સમયે, સગાઈ પછી, તેના લગ્નનો કાર્યક્રમ વર્ષ 2020માં યોજાવાનો હતો, પરંતુ કોવિડને કારણે તેને અસર થઈ.

આવી સ્થિતિમાં, આ કપલે જુલાઈ 2021 માં તુર્કીમાં તુર્કી પરંપરાઓ અનુસાર લગ્ન કર્યા. ત્યારબાદ તેઓએ ભારતમાં પરંપરાગત તેલુગુ હિંદુ વિધિમાં બીજા લગ્ન કર્યા, જેમાં ગિઝેમે સુંદર સાડી પહેરી હતી અને તમામ ધાર્મિક વિધિઓ કરી હતી.

એક ઈન્ટરવ્યુમાં ગિઝેમે જણાવ્યું કે કેવી રીતે તેનો પરિવાર ભારતીય સંસ્કૃતિને પ્રેમ કરે છે અને તે તેના પતિના પરિવારને કેવી રીતે પ્રેમ કરે છે. અને સંબંધીઓ સાથે વધુ સારી રીતે વાતચીત કરવા માટે તેલુગુ શીખી રહી છે.

આટલું જ નહીં, જણાવી દઈએ કે આવી જ એક ઘટનામાં બિહારના બેગુસરાઈમાં તાજેતરમાં જ એક ફ્રેન્ચ મહિલા અને એક ભારતીય પુરુષના પણ લગ્ન થયા હતા અને તેમના આંતર-ધર્મ લગ્નની કહાની વાયરલ થઈ હતી.

error: Content is protected !!