ગેમમાં 13 વર્ષના દીકરાએ ગુમાવ્યા 40 હજાર, તો ટૂંકાવી લીધું જીવન, માતાનું હૈયાફાટ રુદન

દરેક માતા -પિતા ઈચ્છે છે કે તેમના બાળકો તેમના અભ્યાસ પર વધુ ધ્યાન આપે અને તેમનો સમય બગાડે નહીં. જોકે બાળકો માટે રમતગમત શિક્ષણ જેટલી જ મહત્વની છે, પરંતુ સ્માર્ટફોન અને સોશિયલ મીડિયાના આજના યુગમાં બાળકો આઉટડોર ગેમ્સ ઓછી રમવાનું પસંદ કરે છે અને આખો દિવસ મોબાઇલમાં રહે છે. ખાસ કરીને બાળકોને મોબાઈલ પર ગેમ રમવી ગમે છે. તેઓ તેમના માતાપિતા પાસેથી ચોરીછૂપીથી અથવા તેમની સામે કલાકો સુધી ગેમ્સ રમે છે.

મધ્યપ્રદેશના છતરપુર જિલ્લાના 13 વર્ષીય કૃષ્ણાને પણ આવી જ મોબાઇલમાં ગેમ રમવાની લત હતી. તે લોકડાઉન દરમિયાન તેની માતાના મોબાઈલથી ઓનલાઈન ક્લાસ લેતો હતો, પણ ચોરી ચુપીથી ગેમ પણ રમતો હતો. હવે વાત આ ગેમ રમવા સુધી સિમીત ન હતી પણ તેણે આ ગેમમાં નાણાં રોકવાનું પણ શરૂ કર્યું હતુ. કૃષ્ણને ફ્રી ફાયર ગેમ રમવાનો ખૂબ શોખ હતો. જોકે તેણે આ ગેમમાં 40 હજાર રૂપિયા ગુમાવ્યા હતા. આ પૈસા તેની માતાના બેંક ખાતામાંથી કપાયા હતા.

જ્યારે માતા પ્રીતિ પાંડેને મોબાઈલ પર બેંકમાંથી પૈસા કપાવાનો મેસેજ મળ્યો ત્યારે તેણે તેના દીકરાને ફોન કર્યો. દીકરાએ કહ્યું કે તેના પૈસા ફ્રી ફાયર ગેમમાંથી કપાયા છે. આ સાંભળીને માતા ખૂબ ગુસ્સે થઈ અને તેણે દીકરાને ઠપકો આપ્યો. માતાનો ઠપકો સાંભળીને દીકરો એટલો ડિપ્રેશનમાં ગયો કે તેણે ફાંસી લગાવીને આત્મહત્યા કરી લીધી. આત્મહત્યા કરતા પહેલા, તેણે એક સુસાઈડ નોટ પણ લખી છે, જે વાંચીને તમારી આંખમાં આંસુ આવી જશે.

સાગર રોડ પર રહેતા કૃષ્ણ વિવેક પાંડે અને પ્રીતિ પાંડેના એકમાત્ર પુત્ર હતા. તેના પિતા પેથોલોજી ઓપરેટર છે જ્યારે માતા જિલ્લા હોસ્પિટલમાં કામ કરે છે. ક્રિષ્ના છઠ્ઠા ધોરણમાં ભણતો હતો. તેને એક બહેન પણ છે. તે શુક્રવારે બપોરે 3 વાગ્યે તેની બહેન સાથે ઘરમાં એકલો હતો.

તેના પિતા પેથોલોજીમાં હતા જ્યારે માતા હોસ્પિટલમાં હતી. માતાના મોબાઈલ પર 1500 રૂપિયા કાપવાનો મેસેજ આવ્યો હતો. આવી સ્થિતિમાં માતાએ પુત્રને બોલાવીને પૂછ્યું કે પૈસા કેવી રીતે કપાયા? આના પર દીકરાએ ઓનલાઈન ગેમ વિશે કહ્યું, જેના પર ગુસ્સે થયેલી માતાએ તેને ઠપકો આપ્યો.

માતાનો ઠપકો સાંભળ્યા પછી, કૃષ્ણા રૂમમાં ગયો અને અંદરથી દરવાજો બંધ કરી દીધો. થોડી વાર પછી તેની મોટી બહેને દરવાજો ખખડાવ્યો. જ્યારે કૃષ્ણા તરફથી અંદરથી કોઈ જવાબ ન મળ્યો ત્યારે તેણે મમ્મી -પપ્પાને બોલાવ્યા. માતા -પિતા ઘરે આવ્યા ત્યારે તેઓએ કૃષ્ણના રૂમનો દરવાજો તોડ્યો. પણ અંદરનું દૃશ્ય જોઈને તેમના પગ નીચેથી જમીન સરકી ગઈ. તેમનો 13 વર્ષનો પુત્ર લટકતો હતો.

કૃષ્ણાના રૂમમાંથી એક સુસાઈડ નોટ પણ મળી હતી જેમાં તેણે લખ્યું હતું કે ફ્રી ફાયર ગેમમાં તેણે 40 હજાર રૂપિયા ગુમાવ્યા છે. તેણે એમ પણ કહ્યું કે તે ડિપ્રેશનમાં જવાના કારણે આત્મહત્યા કરી રહ્યો છે. તેણે પોતાની માતા માટે લખ્યું ‘એમ સોરી મમ્મી, રડશો નહીં.’ બાળકની આ સ્યુસાઈડ નોટ હવે સોશિયલ મીડિયા પર ખૂબ વાયરલ થઈ રહી છે.

error: Content is protected !!